Enrique de Lucas

Enrique de Lucas

Biografía
Nacemento	17 de agosto de 1978 (46 anos) L'Hospitalet de Llobregat, España
Altura	175 cm
Actividade
Ocupación	futbolista
Período de actividade	1998 -
Deporte	fútbol
Liga	Premier League
Posición de xogo	Centrocampista
Traxectoria   Equipo 1996–1999 RCD Espanyol B 67 (25) 1998–2002   RCD Espanyol 92 (16) 2000–2001   Paris Saint-Germain 2001–2001 → cesión:    Paris Saint-Germain 4 (0) 2002–2003   Chelsea F.C. 25 (0) 2003–2007   Deportivo Alavés 127 (19) 2007–2009   Real Murcia 57 (7) 2009–2010 FC Cartagena 38 (11) 2010–2013   Celta de Vigo 98 (21) 2013–2014   Hércules CF 2013–2014   Hércules CF 24 (4) 2015–2015 Biggleswade United F.C. 3 (0)   Selección nacional –   Cataluña 1995–1995   España sub-16 7 (1) 1998–1999   España sub-21 4 (0)

Enrique de Lucas Martínez, nado en L'Hospitalet de Llobregat (Barcelona) o 17 de agosto de 1978, é un exfutbolista español que xogaba de centrocampista.

Traxectoria

Xogou desde mozo nas categorías inferiores do RCD Espanyol. En 1997 xa formou parte do primeiro equipo. Debutou en Primeira División o 15 de maio de 1998, nun partido entre o Real Valladolid e o RCD Espanyol (0–0). Con este equipo gañou a Copa do Rei 1999–00.

Tras un breve paso en 2001 pola Liga francesa co Paris Saint-Germain FC en calidade de cedido, regresou de novo ao Espanyol. Na tempada 2001–02 conseguiu a súa marca persoal de goles, facendo 7 tantos.

Na tempada 2002–03 xogou co Chelsea FC na Premier League. Na tempada 2003–04 foi contratado polo Deportivo Alavés, equipo co que conseguiu o ascenso á Primeira División na tempada 2004–05.

Na campaña 2007–08 fichou polo Real Murcia. Na súa primeira tempada alí o equipo non conseguiu o obxectivo marcado, a permanencia en Primeira, e ao final da tempada descendeu á Segunda División. Na tempada 2008–09 o equipo rematou no 14º posto.

En agosto de 2009 fichou polo FC Cartagena, no regreso do equipo cartaxinés á Segunda División, co que completa unha excelente tempada marcando once goles e quedando ás portas do ascenso a Primeira División.

O 24 de xuño de 2010, o secretario técnico do Celta de Vigo, confirmou a De Lucas como primeira fichaxe para a tempada 2010–11.

Selección nacional

Nunca foi internacional coa selección absoluta, aínda que si coa selección sub-15, sub-16, sub-18 e sub-21.

Palmarés

Espanyol

• Copa do Rei: 1999–00

Véxase tamén

Ligazóns externas

•  Datos do xogador en bdfutbol.com (en castelán)
• Web non oficial do xogador (en castelán)
• Páxina con fotos do xogador (en castelán)